Kya Qaabe ke taraf Paun/Legs karna mana hai?

Kya Qaabe ke taraf Paun/Legs karna mana hai?

Qaaba yaani ke Qibla ham Musalmaano ke liye ek Direction hai jis taraf ham apna muh karke Namaaz me Allah SWT ki Ibaadat karte hain. Ham Qaabe ke taraf Ibaadat karte hain, Qaabe ki Ibaadat nahi karte.

Acha, Kya aisi koi Hadees hai jisme Nabi SAW ne hame Qaabe/Qibla ke taraf pair/legs karne se mana kiya hai? Nahi. Aisi ek bhi Hadees nahi hai, but 2 baatein hain jo aap SAW ne hame bataayi hain aur wo karne se mana kiya hai.

Pehli, Rasool Allah SAW ne bataaya ki Qaabe ke rukh Thooko yaani Spit mat karo [ Sahih Bukhari Vol 1 Book 8, Hadees 399 ]. Ek dafa ek shaks ne Qaabe ki taraf Spit kar diya to Aap SAW ne use bilkul Na pasand kiya aur khud jaake usee saaf kiya. Ek aur riwaayaat mein aaya hai ki

“Jis shakhs ne Qaabe ke rukh Spit kiya, Qayaamat ke roz uska wahi Spit uske dono aankhon ke darmiyan uske Peshaani par hoga” – Sunan Abu Dawood Hadees no 3824

Doosra, Aap Rasool Allah SAW ne bataaya ki Qaabe ke rukh Istinja mat karo. That is, the front and back of your Toilets should not be towards the Qaaba [ Bukhari Vol 1 Book 8, Hadees 388 ]

Ye do baatein hamme se kitne logon ke dhyaan mein rehti hai, jo ki saaf alfaazon me Rasool Allah SAW ne hame bataayi hain. Aur pair ko Qaabe ki taraf na karna, iska zikr kahin bhi kisi bhi Sahih Hadees mein nahi hai.

Acha ab ek aur baat, Khaana Qaaba ka jo Ghilaaf hota hai, wo kaise badla jaata hai? Qaabe ke upar chadh ke na, to wo kaise jaayaz hai? Agar aap pair uske rukh nahi kar sakte to fir uske upar chadhna to aur bhi zyaada mana hona chahiye.

Ab having said that, agar aap ehteraam ke taur pe, khud Qaabe ki taraf pair nahi karna chahte to wo bhi durust hai. Is post mein hamne wo bataane ki koshish ki hai jo Rasool Allah SAW ne ham sabko actual mein bataaya hai, aur hamme se kayi log usee nazarandaaz kar dete hain aur jo nahi bataaya hai us par kuch zyaada hi zor de dete hain. JazakAllahu Khairan ❀

Leave a Reply

Your email address will not be published. Required fields are marked *